तुमच्या मते तुमच्या आवडीची प्रेक्षणीय स्थळे कोणती ??

Visit Tourist, Picnic Places in Nanded

तुमच्या मते तुमच्या आवडीची प्रेक्षणीय स्थळे कोणती ??
मग मी उत्तर म्हणुन एक कविता केली,
ती अशी:::::::::

अवघड वाटे तुमचा प्रश्नचि |
उत्तर कैसे देऊ सडे ||
प्रेक्षणीय स्थळ , फिरण्या गड हे |
महाराष्ट्र हा कमी पडे ||धृ.||

फिरा कितीही पुरतची नाही |
वेळची अपुल्या फिरण्याला ||
सृजन मनोहर स्थलशक्ती या |
महाराष्ट्र सानिध्याला ||1||

सर्वप्रथम मम आवडतीचा |
सह्याद्रिचा परिसर हा ||
ञ्यंबकपासुन आंबोलीचा |
अथांग हरितक सागर हा ||2||

मधे लागती हरिश्चंद्रगड |
भिमाशंकर, खंडाळा ||
शिवथरघळ अन महाबळेश्वर |
कोयना आणिक पन्हाळा ||3||

सह्याद्रीचा हाच परिसर |
साक्ष देतसे वीरांची ||
तुकया आणिक रामदासासम |
ओळख होई संतांची ||4||

याच परिसरामधुनी उमलती |
रायगडापरि गडकिल्ले || वीर आपुले याआधारे |
शञुवरि तुटूनि पडले ||5||

सह्यगिरीसम अनेक पर्वत |
सामविले या स्थळी ||
बालाघाट अन् सातपुडा हे |
नमुना असति जुळी ||6||

साविञी अन गोदा भीमा |
कृष्णा सीनेतटी ||
तीर्थस्थले अन् सुपीक भुमी |
वनराईंची दाटी ||7||

विदर्भ ,कोंकण ,गोमंतक अन् |
मराठवाडा सारी ||
खानदेश ,नाशिक ,पुण्याची |
असे संस्कृती न्यारी ||8||

सर्व भाग हे महाराष्ट्राचे |
अपुर्ण सर्वांविण ||
मुकुंद कवीचा प्रयत्न छोटा |
झाला सुफळ सुपर्ण ||9||